Эронда 6,5 магнитудали зилзила содир бўлди

Фото: Google maps

Эронда жиддий ер силкиниши содир бўлди. Reuters'нинг Эрон телеканалларига асосланиб ёзишича, зилзила маркази Бандар Аббос яқинидаги Ҳурмузгон вилояти бўлган. Европа – Ўрта Ер ҳавзаси сейсмология маркази берган маълумотга кўра 6,1 магнитудали силкиниш 10 км чуқурликда содир бўлган. Эрон телеканалларида эса силкиниш 6,5 магнитудали бўлгани айтилмоқда.

Эронда содир бўлган зилзила Арабистон яриморолидаги БАА, Саудия, Қатар, шунингдек, Баҳрайнда ҳам сезилган. Айниқса БААда силкиниш сезиларли бўлган.

Эрондаги Telegram-каналларда зилзила сабаб кўплаб одамлар бинолардан ташқарига ёпирилиб чиқаётгани кўринган видеолар жойланмоқда.