Арманистон ва Озарбойжон чегарасидаги вазият яна кескинлашди. Жанглар Москва аралашувидан кейин тўхтаган

Сешанба куни Озарбойжон ва Арманистон чегарасидаги вазият кескин тус олди. Арманистон мудофаа вазирлиги Бокуни чегарани бузиб ўтишда айблади, Бокудагилар эса озарбойжонликларнинг позицияларига ҳужум қилинганини айтди. Ереван суверенитетини ҳимоя қилишни сўраб, Москвага мурожаат қилган. Томонлар Россия мудофаа вазири Сергей Шойгу билан телефон мулоқотларидан кейин ҳарбий ҳаракатларни тўхтатган.