Толиблар бошқа мамлакатлар билан мунтазам авиақатновларни тиклашга тайёрлигини билдирди

Мужоҳиднинг қўшимча қилишича, толиблар агар таклиф бўлса, Россияга янги ташрифни амалга оширишга ҳам тайёр.

Фото: Wakil Kohsar/AFP via Getty Images

“Толибон” ҳукумати Россия ва бошқа мамлакатлар билан мунтазам авиақатновларни тиклаш устида ишламоқда. Бу ҳақда Афғонистон ахборот ва маданият вазири ўринбосари Забиҳулла Мужоҳид маълум қилди.

“Биз Россия ва бошқа мамлакатлар билан мунтазам авиақатновларни имкон борича тезроқ тиклаш устида иш олиб бормоқдамиз”, – деди у.

Мужоҳиднинг қўшимча қилишича, толиблар агар таклиф бўлса, Россияга янги ташрифни амалга оширишга ҳам тайёр.

“Делегациямиз яқинда Россияда бўлди. Ва агар янги таклиф билдирилса, бу таклифга ижобий жавоб берамиз ва ташриф буюрамиз”, – деди Мужоҳид.