Facebook фойдаланувчиларга лентадаги постлар ва уларнинг мавзусини созлаш имконини беради

Facebook фойдаланувчиларга ўз ленталарини кўпроқ назорат қилиш имконини берувчи функция синовлари бошлангани ҳақида маълум қилди. Ижтимоий тармоқ созламага учта банд қўшди: дўстлар, оила, гуруҳлар, шунингдек, саҳифа ва жамоат арбоблари. Meta компанияси блогида шу ҳақида ёзилган.

Ҳозирча синов инглиз тилидаги фойдаланувчилар учун ишга туширилган. Компания томонидан қайд этилишича, у “кам сонли фойдаланувчилар”нигина қамраб олади. Қолган фойдаланувчиларда эса ушбу функция яқин ҳафталарда пайдо бўлади.

Шунингдек, ижтимоий тармоқ реклама берувчиларга муайян мавзу соҳаларидаги контентни олиб ташлаш имконини беради. Масалан, сиёсат, ижтимоий масалалар, жиноят ва ҳодисалар. “Реклама берувчи бир ва бир неча мавзуни аниқласа, у ҳолда ўз лентасида мана шу мавзуни кўришни истаган фойдаланувчилар мазкур рекламани кўришмайди”, дейилади компания блогида.