Қўшимча функционаллар
-
Тунги кўриниш
Транспорт вазирлиги инспекторлари автомобил ташуви соҳасидаги баённомаларни планшет орқали расмийлаштиришни бошлайди
Транспорт вазирлиги томонидан автомобил ташувлари соҳасида ҳуқуқбузарлик содир этган шахсларни аниқлаш, уларга нисбатан маъмурий ҳуқуқбузарликлар тўғрисидаги ишларни расмийлаштириш ва кўриб чиқишда электрон тизим ўрнатилган планшетлардан фойдаланиш йўлга қўйилмоқда.
Вазирлик хабарига кўра, ходимлар томонидан замонавий ахборот технологияларидан кенг фойдаланган ҳолда автомобил ташувлари соҳасидаги маъмурий ҳуқуқбузарликларга оид ишларни расмийлаштириш ва кўриб чиқишнинг соддалаштирилган тартибини жорий этиш мақсадида янги тартибда ишлашга ўтилмоқда.
Дастлабки босқичда автомобил ташувлари соҳасидаги маъмурий ҳуқуқбузарликлар тўғрисидаги ишларни кўриб чиқиш ва расмийлаштириш электрон тизим ўрнатилган планшетлар орқали Тошкент шаҳар ва Тошкент вилояти Транспорт бошқармалари томонидан амалга оширилади.
Планшетлардан фойдаланган ҳолда маъмурий баённомаларни расмийлаштириш жараёнини амалиётда қўллашни ташкил этиш мақсадида ИИВ Ҳуқуқий статистика ва тезкор-ҳисоб маълумотлар маркази бўлим бошлиғи ва масъул ходимлари иштирокида тадбир бўлиб ўтди. Тадбирда маъмурий баённомаларни планшетлар ёрдамида расмийлаштириш тартиби юзасидан батафсил маълумот берилди.
Тадбир якунида Тошкент шаҳар ва Тошкент вилояти транспорт бошқармалари инспекторларига бириктирилган планшетлар тақдим этилди, дейилади хабарда.
Мавзуга оид
21:47 / 18.10.2024
Тирбандлик, трамвай лойиҳаси, ҳайдовчиларга жазо ва темирйўлларда сифат – транспорт вазири билан интервю
09:37 / 24.05.2024
Ўзбекистон ва Франция ўртасида халқаро баённома тасдиқланди
13:44 / 09.04.2024
Ҳайит кунида жамоат транспорти бутун республикада бепул бўлмайди – Транспорт вазирлиги
15:08 / 13.02.2024