Хитойнинг коронавирусга қарши иккита янги дори воситаси Ўзбекистонда синовдан ўтказилади - ОАВ

Хитой Фанлар академияси Шанҳай Фармакология институти томонидан ишлаб чиқилган COVID-19’га қарши иккита антивирус дори воситаси клиник синовлар босқичида турибди. Бу ҳақда «Синхуа» хабар берди.

Фото: farmroadcapital

Дори воситаларидан бири - VV116 COVID-19’га қарши нуклеозид препарат бўлиб, у сичқонларда ўтказилган тажрибаларда яхши натижаларни кўрсатган. Институтнинг чоршанба куни хабар беришича, у асл COVID-19 штамми ва дельта варианти каби вариант штаммига қарши in vitro синовларида сезиларли ингибитор фаолликни намойиш этган.

«VV116 биринчи бўлиб Ўзбекистонда клиник синовлар ўтказиш учун тасдиқланган», деди институт тадқиқотчиси Шен Жингшан. У Хитойда ҳам клиник синовлар давом этаётганини қўшимча қилди.

Яна бир дори FB2001 деб аталади. Бу вируснинг репликациясида асосий роль ўйнайдиган ҳамда муҳим фермент бўлган коронавируснинг асосий протеазасидан ишлаб чиқилган ва синтез қилинган янги бирикмадир.

Клиник синовлардан олдинги тадқиқотларда бирикма ҳужайраларда вирусга қарши кучли ингибитор фаолликни кўрсатди, дейди етакчи тадқиқотчи Лиу Хонг.

Март ойида тадқиқотчилар, 2020 йил июнь ойида Science журналида клиник синовлардан олдинги тадқиқотлар натижалари эълон қилингандан сўнг, АҚШда 1-босқич клиник синовини ўтказди.

Препарат Шанҳай Фармакология институти, Шанҳай фан ва технология университети ва Хитой Фанлар академияси қошидаги Ухан вирусология институти томонидан биргаликда ишлаб чиқилган.