Буюк Британияда мамлакатга кирувчи барчадан ПЗР-тест топшириш ва изоляцияда бўлиш талаб қилинади

Фото: Reuters

Бунга қадар Буюк Британияда тан олинган вакциналар билан эмланганлардан мамлакатга кириб келганидан сўнг изоляцияда бўлиш талаб қилинмасди.

Буюк Британия мамлакатга кирувчи барча учун мажбурий ПЗР-тест топшириш ва натижа чиққунига қадар изоляцияда бўлиш тартибини жорий этди. Бу ҳақда Бирлашган Қироллик бош вазири Борис Жонсон маълум қилди.

“Биз Буюк Британияга келаётган барчадан ПЗР-тест топшириш ва манфий натижа олингунига қадар изоляцияда бўлишни талаб қиламиз”, — деди Жонсон.

Жонсоннинг қайд этишича, коронавируснинг янги штамм тўлиқ эмланганларга ҳам юқиш хусусиятига эга.

“Бу вариант бутун дунё бўйлаб тарқалмоқда ва бизда ҳам иккита ҳолат аниқланди. Афтидан, “омикрон” жуда тез тарқалади ва вакцинанинг иккала дозасини олганларга ҳам юқади”, — деди у.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.