Қўшимча функционаллар
-
Тунги кўриниш
Эфиопияда армия айирмачилардан ЮНЕСКО рўйхатига киритилган шаҳарни қайтариб олди
Эфиопия қуролли кучлари тиграйлик айирмачилардан Лалибэла шаҳрини тўлиқ қайтара олди. Бу ҳақда мамлакат бош вазири девонхонасида маълум қилинди.
“Лалибэла тарихий шаҳри озод қилинди ва Тиграй озодлик халқ фронти босқинидан тозаланди”, деб айтилган хабарда.
Бундан ташқари, армия шаҳар аэропорти устидан назорат ҳам ўрнатган.
Лалибэла эфиопиялик христианларнинг муҳим диний маркази бўлиб, у ЮНЕСКО рўйхатига киритилган иккита йирик черковлар мажмуаси билан машҳур. Черковлардан энг машҳури Авлиё Георгий черкови XII аср охири XIII аср бошида қурилган.
Эфиопияда 2020 йил ноябрдан бери Тиграй озодлик халқ фронти ва ҳукумат қўшинлари ўртасида тўқнашувлар бормоқда. Фронт ҳукуматдан Тиграй региони ишларига аралашмасликни талаб қилмоқда.
Мавзуга оид
15:05 / 06.05.2025
Тошкентдаги 21 та бинони ЮНЕСКО Умумжаҳон мероси рўйхатига киритиш таклиф этилмоқда
16:49 / 02.04.2025
Саида Мирзиёева ЮНEСКО Бош конференцияси Самарқандда ўтказилишини олқишлади
14:46 / 12.03.2025
Шавкат Мирзиёев Парижда ЮНЕСКО бош директори билан учрашди
16:52 / 01.01.2025