Банкларда доллар курси илк бор 10 850 сўмгача кўтарилди

Ўзбекистондаги бир нечта тижорат банкларида 10 декабр, жума куни эрталаб доллар курси кўтарилди.

Фото: Kun.uz

Бир қатор банкларда доллар олиш 10 780 сўмдан, сотиш 10 840 - 10 850 сўмдан таклиф этилмоқда. Бу янги максимал кўрсаткич.

Сўнгги марта банкларда доллар курси 18 ноябр куни жиддий кўтарилганди (1 АҚШ долларининг сотиш курси - 10 810 сўм).

Кеча, 9 декабр куни Марказий банк хорижий валюталарнинг сўмга нисбатан янги курсларини эълон қилди. Ушбу алмашув курслари 10 декабр кунидан кучга кирди.

Унга кўра, бир доллар 10 795 сўм 73 тийинни ташкил қилди.