Толиблар Афғонистондаги барча университетлар яқин вақт ичида очилишига ваъда берди

Бош вазирнинг сиёсий масалалар бўйича ўринбосари мавлавий Абдул Кабир мамлакат университетлари вакиллари билан учрашув ўтказган.

Фото: Anadolu Agency/Getty Images

“Толибон” ҳаракати Афғонистондаги университетлар фаолияти тикланишини ваъда қилмоқда.

Ҳаракат вакили Иномулла Самангонийнинг маълум қилишича, бош вазирнинг сиёсий масалалар бўйича ўринбосари мавлавий Абдул Кабир мамлакат университетлари вакиллари билан учрашув ўтказган.

“Мавлавий Кабир уларнинг таклиф ва истаклари инобатга олиниши, яқин вақт ичида барча давлат университетлари очилишини билдирди”, — дейилади хабарда.

Жорий йил августида ҳокимиятга толиблар келган вақтдан бошлаб, Афғонистондаги олий ўқув юртлари фаолияти тўхтади, қизлар эса юқори синфларда ўқишни давом эттириш имкониятидан маҳрум бўлди.