Қўшимча функционаллар
-
Тунги кўриниш
Самарқандда солиқ тўловчига ошиқча солиқ қарздорлиги ҳисобланди
Фото: Getty Images
Ижтимоий тармоқларда Самарқанд вилояти Каттақўрғон тумани давлат солиқ инспекцияси томонидан солиқ тўловчига асоссиз солиқ қарздорлиги ҳисобланганлиги ҳақида хабарлар тарқалди. Вилоят солиқ бошқармаси ҳолат юзасидан муносабат билдирди.
Маълум қилинишича, ҳолатга ойдинлик киритиш мақсадида давлат солиқ хизмати органлари томонидан тезкор ўрганиш олиб борилган. Ўрганиш натижасида хабарда баён этилган ҳолат қисман тасдиқланган.
Ҳолат шу куннинг ўзида бартараф этилиб, солиқ тўловчининг солиқ қарздорлиги мавжуд эмаслиги, шунингдек, унинг ҳисобида жами 447,4 минг сўм миқдорида ортиқча тўлов мавжудлиги тўғрисида қайтадан хат юборилган.
Қайд этилишича, нотўғри маълумот акс эттирилган хабарнома юборилиши юзасидан Каттақўрғон тумани давлат солиқ инспекциясининг масъул ходимлари қатъий огоҳлантирилган.
«Ортиқча тўланган маблағ солиқ тўловчининг аризасига асосан қайтариб берилиши ёки кейинги солиқ тўловлари учун ҳисобга олиниши мумкинлигини маълум қиламиз», дейилади муносабатда.
Мавзуга оид
16:43 / 27.11.2024
Самарқандда ҳисобчи тадбиркорнинг 6,4 млрд сўмини онлайн қиморда ютқазиб қўйди
08:10 / 21.11.2024
Шавкат Мирзиёев Самарқанд вилоятини ривожлантириш юзасидан йиғилиш ўтказди
08:51 / 20.11.2024
Тўрт туманда 614 млн сўмлик электр ва газдан ноқонуний фойдаланилгани аниқланди
13:49 / 14.11.2024