Британияда янги COVID-рекорд: бир суткада 189 мингдан ортиқ ҳолат қайд этилди

Буюк Британияда суткалик коронавирус юқтириш ҳолатлари бўйича рекорд қайд этилди: охирги 24 соат ичида 189 минг 213 кишида касаллик аниқланди. Бу ҳақда The Guardian хабар бермоқда.

Охирги суткада шифохонага ётқизиш ва ўлим ҳолатлари сони ҳам ўсганлиги айтилмоқда.

Чоршанба куни 183 минг 37та ҳолат қайд этилганди. 

Экспертларнинг огоҳлантиришича, кунлик кўрсаткичлар касалликни қайта юқтириш ҳолатларини ўз ичига олмаган. Бундан ташқари, инфекция юқтирганларнинг ҳаммасида ҳам симптомлар мавжуд эмас ва улар тест топширмаяпти. Бу эса ҳақиқий касалланганлар сони янада кўпроқлигини билдиради.

22 декабрда Британияда илк бор кунлик касалланиш ҳолати 100 мингдан ошганди.