Қўшимча функционаллар
-
Тунги кўриниш
Қорақалпоғистон ва Хоразмда бошланғич синф ўқувчилари бепул овқат билан таъминланади
Ўзбекистонда айрим ҳудудлардаги бошланғич синф ўқувчиларини бепул овқат билан таъминлаш режалаштирилмоқда. Бу 2022–2026 йилларга мўлжалланган тараққиёт стратегиясини 2022 йилда амалга ошириш бўйича “Йўл харитаси” лойиҳасида белгиланган.
Қайд этилишича, Қорақалпоғистон Республикаси ва Хоразм вилоятида тажриба-синов тариқасида бошланғич синф (1-4-синф) ўқувчиларини бепул овқат билан таъминлаш тизими жорий этилади.
Шунингдек, мактаб ўқитувчиларини белгиланган халқаро стандартлар асосида билим ва кўникмаларга эга бўлишини таъминлаш ҳам кўзда тутилган.
Бунда, мактабда фаолият олиб бориши учун учун ҳар бир фан бўйича маҳаллий ёки халқаро сертификация талаблари белгиланади. Тоифага эга бўлмаган мактаб ўқитувчиларини билим ва кўникмалари диагностикадан ўтказилади.
Умумтаълим мактабларни, айниқса, чекка ҳудудлардаги таълим масканларини олий маълумотли педагог кадрлар билан тўлдириш ишлари давом эттирилади.
Тошкент вилоятини мактаб таълими ислоҳотларининг намунасига айлантириш бўйича алоҳида дастур амалга оширилади, бунда “Янги Ўзбекистон устозлари” дастури ҳаётга жорий этилиб, таълим сифати паст мактабларга бошқа ҳудудлардан энг малакали ўқитувчилар ишга жалб қилинади.
Мавзуга оид
19:26 / 26.05.2025
Андижонда танишлари орқали 100 минг доллар кредит олиб беришни ваъда қилган шахс ушланди
19:54 / 23.05.2025
«Ҳарбийларнинг алоқаси йўқ». Мудофаа вазирлиги Хоразмда металлоломга топширилган снаряд бўйича маълумот берди
17:29 / 23.05.2025
Хоразмда металлоломга топширилган снаряд портлаб кетди. Бир киши ҳалок бўлди
21:35 / 22.05.2025