Қўшимча функционаллар
-
Тунги кўриниш
Қозоғистонда газ нархи ошишига қарши норозилик намойишлари бўлиб ўтди
Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.
Фото: Tengrinews.kz.
Қозоғистоннинг Манғистау областида суюлтирилган газ нархи кескин кўтарилишига қарши норозилик намойишлари бўлиб ўтди, деб хабар берди Tengrinews.
Хабарга кўра, 2 январ куни Жанаўзан шаҳри аҳолиси митинг ўтказган. Автомобилчилар бир литр газ нархи 120 тенгега кўтарилганидан норозилик билдирган ва ҳукуматдан нархни икки бараварга камайтиришни талаб қилган.
3 январ куни Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.
Ўз навбатида, вазирлар маҳкамаси Манғистау областидаги ижтимоий-иқтисодий вазиятни кўриб чиқиш бўйича комиссия тузилганини эълон қилди ва газ нархини барқарорлаштириш бўйича чора-тадбирлар амалга оширилишини билдирди.
Манғистау областидаги норозиликлар фонида республиканинг йирик шаҳарларида хавфсизлик чоралари кучайтирилгани айтилмоқда.
«Интерфакс»нинг ёзишича, хусусан, Олмаотада марказий майдон полиция томонидан ўраб олинган.
Қозоғистонда газ намойишлари
Мавзуга оид
01:52
Қозоғистон россиялик тўрт депутат ва Давлат думаси вице-спикерининг мамлакатга киришини тақиқлади
16:46 / 02.05.2025
Ўзбекистон ва Қозоғистон Хитойга дори-дармон хомашёси экспорти бўйича етакчилар қаторига кирди
12:53 / 02.05.2025
Қозоғистон ва Ўзбекистон биржалари мева-сабзавотларни ҳамкорликда сотади
22:20 / 01.05.2025