Қўшимча функционаллар
-
Тунги кўриниш
Навоийда олтин қазиб олаётган фуқароларни қум босиб қолди. Қурбонлар бир неча кун тупроқ остида қолиб кетишган
Навоий вилоятида таркибида олтин бўлган рудани ноқонуний қазиб олиш жараёнида бухоролик фуқароларни қум босиб қолди. Навоий вилояти Фавқулодда вазиятлар бошқармаси ҳодиса оқибатида 5 киши ҳалок бўлганини тасдиқлади.
Фото: Навоий вилояти ФВБ
Маълум қилинишича, воқеа 2021 йил декабр ойининг охирида Конимех туманининг Караката овулида жойлашган Лолазор номи билан аталувчи чўл ҳудудида содир бўлган. Қурбонлар бир неча кун тупроқ остида қолиб кетишган. Навоий вилояти Фавқулодда вазиятлар бошқармаси ходимларининг ҳаракатлари билан техникалар ёрдамида ковланиб, ҳалок бўлганлар 4 январ куни олиб чиқилган.
Вафот этганлар Шофиркон туманининг Денов маҳалласидан экани, улар орасида ака-ука ҳам борлиги айтилмоқда.
Бу Лолазорда содир бўлган биринчи ҳолат эмас. 2021 йилнинг 13 ноябр куни ҳам ушбу ҳудудда ноқонуний олтин қазиб олувчиларни тупроқ босиб қолган ва 4 киши ҳалок бўлганди. Уларнинг ҳам 3 нафари шофирконлик эди.
Мавзуга оид
15:19 / 02.07.2023
Самарқандда тилла кони шахтасидан икки кишининг жасади топилди
14:34 / 29.04.2022
Индонезиядаги олтин конида кўчки оқибатида ўндан ортиқ инсон ҳалок бўлди
16:50 / 09.04.2022
Навоийда иккита янги олтин кони ишга тушди
13:18 / 01.03.2022