Қўшимча функционаллар
-
Тунги кўриниш
Хоразмда «Cobalt» поезд билан тўқнашди
Хоразм вилояти, Хонқа тумани ҳудудидан ўтган темир йўл кесишмасида «Cobalt» русумли автомобиль ва тепловоз тўқнашди. Ҳайдовчи шифохонага ётқизилди.
Фото: railway.uz
7 январ куни соат 18:18 да Хонқа тумани, Ёш куч маҳалласи ҳудудидан ўтган темир йўлда енгил автомобил иштирокида йўл-транспорт ҳодисаси юз берган.
Шу туманнинг Қирқёп қишлоғи, «Обод» маҳалласида яшовчи, 2001 йилда туғилган фуқаро Н.Х. «Cobalt» русумли автомобилида қўриқланмайдиган темир йўл кесишмасида тўхташ белгисига амал қилмасдан ҳаракатланган ва «Хива-Урганч-Тошкент» йўналишида ҳаракатланаётган йўловчи поезди билан тўқнашган. Оқибатда автомобиль ағдарилиб кетган, ҳайдовчи эса тан жароҳати билан шифохонага ётқизилган.
Шунингдек, тўқнашув оқибатида шикаст етган тепловозга қарийб 1 соат давомида техник хизмат кўрсатилган. Шундан сўнг поезд йўлини давом эттирган.
Ҳолат бўйича ҳуқуқ-тартибот идоралари томонидан суриштирув ва тергов ишлари олиб борилмоқда.
Мавзуга оид
09:52
Ўзбекистон автомобил бозорида фаоллик даражаси ошди
23:28 / 14.11.2024
«Миллий боғ» метро бекатида поезд техник носозлик сабаб тўхтатилди
20:45 / 12.11.2024
Англияда биринчи аккумуляторли поезд синовдан муваффақиятли ўтди. У соатига 120 км тезликка чиқди
07:31 / 12.11.2024