Қўшимча функционаллар
-
Тунги кўриниш
Тошкент-Чиноз йўли таъмирланади, Тошкентдаги Темур Малик кўчаси олти қаторга кенгайтирилади
Президент Шавкат Мирзиёев 10 январь куни қурилиш, йўл инфратузилмасини яхшилаш ва табиий газ таъминотига оид лойиҳалар билан танишди.
Тошкент вилоятида савдо ва сервисни ривожлантириш учун катта имкониятлар бор. Шу боис автомобиль йўлларини кенгайтириб, йўл бўйи хизматларини кўпайтириш бўйича кўплаб лойиҳалар ишлаб чиқилмоқда.
Тошкент-Чиноз автомобиль йўлини таъмирлаш лойиҳаси улардан бири. Маълумки, бу йўл жуда серқатнов бўлиб, бир кеча-кундузда 60-65 минг автотранспорт ҳаракатланади. Шу боис унинг 10 километр қисмини таъмирлаш, 5 дона ерости ўтиш йўлаги ва қўшимча маҳаллий йўллар қуриш мўлжалланган.
Пойтахтдаги Темур Малик кўчасини 6 тасмали этиб кенгайтириш, унинг икки четида кўп қаватли уй ва хизмат кўрсатиш бинолари қуриш, Жиззах шаҳридаги Ўзбекистон кўчасида 210 метрли йўл ўтказгич барпо этиш бўйича ҳам лойиҳалар режалаштирилган.
Давлат раҳбари бу лойиҳаларни маъқуллаб, уларнинг ҳужжатларини ишлаб чиқиш, сифатли қилиб қуриш бўйича мутасаддиларга топшириқлар берди.
Мавзуга оид
20:48 / 09.10.2024
Бухоронинг янги аэропорти соатига 8 та самолётга хизмат кўрсатади
21:49 / 08.10.2024
Мирзиёев МДҲ саммитида кўптомонлама ҳамкорлик барча йўналишларда ривожланганини юқори баҳолади
19:31 / 06.10.2024
Шавкат Мирзиёев Россияга боради
16:30 / 01.10.2024