Қўшимча функционаллар
-
Тунги кўриниш
Қозоғистонда қўлга олинган шахс Ўзбекистон фуқароси эмас — ТИВ
Фото: Kun.uz
Ўзбекистон ТИВ расмийси 17 январь куни Қозоғистоннинг Туркистон вилоятида бир ўзбекистонлик намойишларда қатнашиш гумони билан қўлга олингани ҳақида тарқалган хабарга раддия берди.
«Яқинда қатор оммавий ахборот воситаларида Қозоғистонда содир бўлган тартибсизликларда иштирок этишда гумон қилинаётган Ўзбекистон Республикаси фуқаросининг 2022 йил 17 январь куни Туркистон вилояти (Қозоғистон Республикаси) "Жибек жоли" ўтиш пунктида қўлга олинганлиги ҳақида янгиликлар эълон қилинди.
Ўзбекистон Республикасининг Олма-ота шаҳридаги Бош консулхонаси томонидан Қозоғистон Республикаси Миллий хавфсизлик қўмитаси матбуот хизматидан олинган маълумотга кўра, қўлга олинган шахс Ўзбекистон Республикаси фуқароси эмас.
Мазкур ҳолат юзасидан тегишли ахборот Қозоғистон Республикаси Миллий хавфсизлик қўмитасининг веб-сайтида жойлаштирилган», дейилади хабарда.
Аввалроқ Қозоғистон МХҚ Чимкент шаҳридаги тартибсизликларда иштирок этишда гумонланаётган 29 ёшли ўзбекистонлик чегарада қўлга олингани ҳақида хабар берганди. Айни вақтда бу хабар таҳрирлаб қўйилган.
Қозоғистонда газ намойишлари
Мавзуга оид
22:56 / 09.08.2024
Қозоғистон ИИВ собиқ раҳбарига 5 йил муддатга шартли қамоқ жазоси тайинланди
20:45 / 05.08.2024
Бангладеш бош вазири қочди, намойишчилар унинг қароргоҳини эгаллаган. Асосий маълумотлар
23:09 / 04.08.2024
Европадаги еттита давлат Венесуэлани президентлик сайлови натижаларини исботлашга чақирди
18:02 / 04.08.2024