Андижонда қарийб 800 млн сўмлик яроқсиз дори воситалари йўқ қилинди

Унда Андижон вилоят божхона бошқармаси, Санитария-эпидемиологик осойишталик ва жамоат саломатлиги Андижон вилояти бошқармаси ҳамда Андижон вилоят Экология ва атроф-муҳитни муҳофаза қилиш бошқармаси вакиллари иштирок этишди.

Тадбирда жиноят иш материаллари бўйича ашёвий далил ҳисобланган баҳоси 695 млн сўмлик 60 000 дона “Мисопростол” номли дори  воситалари, 18 млн 675 минг сўмлик 50 қути “Ковифор”, жами салкам 50 млн сўмлик 1703 дона кассета таблетка кўринишидаги “Аспирин”, 480 қути суюқлик кўринишидаги “Аквалор беби”, 1600 қути суюқлик кўринишидаги “Цевикап” дори воситалари тақдим қилинди. 

Шу куни, сифати кафолатланмаган ва истеъмолга яроқсиз бўлган, умумий қиймати қарийб 800 млн сўмлик дори воситалари “Экотиббиёт” хусусий корхонасига қарашли қурилиш чиқиндилар полигонида ташкил этилган куйдириш печида белгиланган тартибда йўқ қилинди.