Пекиндаги Олимпиада қатнашчилари орасида коронавирус билан боғлиқ 45та ҳолат аниқланди

Пекиндаги Олимпиада ўйинларининг 45 нафар иштирокчисида коронавирусга топширилган тест мусбат чиқди. 

Хабар қилинишича, 26та ҳолат бугун Пекинга етиб келганларда аниқланган бўлиб, улардан 20 нафари спортчилар ёки терма жамоа аъзоларидир, 19 ҳолат эса Пекинда бўлиб турганларда қайд этилган.

3 феврал куни 55 нафар иштирокчида касаллик аниқланганди.

Олимпиада ўйинлари 4 феврал куни бошланди ва 20 февралгача давом этади. Ўйинлар очилиши маросимида Ўзбекистон президенти Шавкат Мирзиёев ҳам иштирок этди.