Қўшимча функционаллар
-
Тунги кўриниш
АҚШ Россия Украинага Олимпиада тугашидан олдин бостириб кириши мумкинлигини билдирди. Ҳужум 16 февраль куни юз бериши мумкин
АҚШ давлат котиби Энтони Блинкен Россиянинг Украинага бостириб кириши исталган вақтда, жумладан 20 февраль куни Пекин Олимпиадаси тугагунига қадар бошланиши мумкинлигини айтди, деб хабар бермоқда Reuters.
Худди шундай баёнот билан АҚШ президентининг миллий хавфсизлик бўйича маслаҳатчиси Жейк Салливан ҳам чиқди. Унинг сўзларига кўра, Америка разведкаси маълумотларига кўра, Россия босқинни ҳаво ҳужуми билан бошлаши, можаро пайтида эса Киевга ҳужум қилиши мумкин.
Марказий разведка бошқармаси ва америкалик ҳарбийлар, Der Spiegel нашрига кўра, Россия келаси чоршанба, 16 февраль куниёқ бостириб киришни бошлаши мумкинлиги ҳақида НАТО давлатларини хабардор қилган.
Россия Ташқи ишлар вазирлиги расмий вакили Мария Захарова ўзининг телеграм каналида АҚШ расмийларининг баёнотини «жазавага тушиш» деб атади. «Англо-саксларга уруш керак», деди у.
12 февраль куни Россия президенти Владимир Путин ва АҚШ президенти Жо Байден телефон орқали мулоқот қилади.
Аввалроқ АҚШ, Буюк Британия, Нидерландия, Черногория, Япония, Жанубий Корея ўз фуқароларига Украинага бормасликни ёки унинг ҳудудини тарк этишни тавсия қилган эди.
Россия-Украина уруши
Мавзуга оид
08:51 / 04.06.2026
Кувайт аэропортида Эроннинг дрон зарбаси оқибатида 1 киши вафот эди, ўнлаб инсонлар жароҳатланди
15:12 / 26.05.2026
Наркожиноятда айбланиб, қидирувда бўлган ўзбекистонлик АҚШдан депортация қилинди
13:11 / 28.05.2025
NYT: Россия Запорижжя АЭСни ўз энерготизимига улашни режалаштирмоқда
11:58 / 28.05.2025