Сирдарё вилоятида 20 гектар суғориладиган ерни сотмоқчи бўлган шахс ушланди

У Мирзаобод тумани ҳокимлиги захирасида бўлган 20 гектар суғориладиган ер майдонини 80 миллион сўм эвазига фуқаролардан бирига расмийлаштириб беришини айтган.

Бош прокуратура ҳузуридаги департаментнинг хабар беришича, департаментнинг Сардоба туман бўлими, ДХХ Оқолтин туман бўлими ҳамкорлигида тезкор тадбир ўтказилган.

Фото: Бош прокуратура ҳузуридаги департамент

Тадбирда, фуқаро М.К. фуқаро Ш.нинг ишончига кириб, унга Мирзаобод тумани ҳокимлиги захирасида бўлган 20 гектар суғориладиган ер майдонини танишлари орқали расмийлаштириб олиб бериш эвазига 80 миллион сўмни олган вақтида ашёвий далиллар билан ушланган.

Қайд этилишича, мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.