ССВ: Ўзбек шифокорлари Марказий Осиёда илк бор қизилўнгач атрезияси билан туғилган чақалоқларда тиғсиз жарроҳлик амалиёти ўтказди

Республика перинатал маркази қошидаги Неонатал хирургия ўқув-даволаш-методик марказида янги туғилган чақалоқларда кўплаб мураккаб операциялар ўтказиб келинмоқда. Мазкур амалиётларнинг аҳамияти шундаки, улар бола туғилиши билан бажарилмаса, гўдакнинг келгуси ҳаёти хавф остида қолади.