НАТО Киевдаги ваколатхонасини вақтинчалик ёпди

Ваколатхона ходимлари Брюссел ва Львовга кўчирилди.

Фото: Reuters

НАТО Киевдаги офисини вақтинчалик муддатга ёпди. Бу ҳақда Норвегиянинг VG канали хабар берди.

Хабарда айтилишича, ходимлар Брюссел ва Львовга кўчирилди.

"Ходимларимиз хавфсизлиги юқори ўринда туради, шу сабабли улар Львов ва Брюсселга кўчирилди. Шу тарзда НАТОнинг Украинадаги офиси ҳали ҳам фаолият кўрсатмоқда", - деб маълум қилган НАТО канал сўровига жавобан.

Аввалроқ, Буюк Британия элчихонаси Киевдан Львовга кўчирилиши айтилганди.

Россия Украинага бостириб кириши эҳтимоли боис АҚШ ўз элчихонасини Львовга кўчирган.

Канада, Австралия ва Нидерландия ҳам ўз элчихоналарини Киевдан Львовга кўчиришини эълон қилган. Германия Украина шарқидаги Днепр шаҳрида жойлашган бош консулхонасини Львовга кўчирган.