Қўшимча функционаллар
-
Тунги кўриниш
Россиянинг Тожикистондаги ҳарбий базасида ҳаво ҳужумидан мудофаа тизимининг жанговар шайлиги текширилди
Режага кўра, навбатчи кучлар шартли душманнинг юқори тезликда ҳаракатланувчи нишонларини аниқлаган.
Фото: РИА Новости
Тожикистонда ракеталар учириш орқали Россиянинг С-300ПС ҳаво ҳужумидан мудофаа тизими жанговар шайлиги текширувдан ўтказилди. Бу ҳақда Интерфакс Марказий ҳарбий округ матбуот хизматига таяниб хабар берди.
"Россиянинг Тожикистондаги ҳарбий базасида ҳаво ҳужумидан мудофаа тизимининг жанговар шайлиги текширилди. С-300ПС зенит ракета тизимлари ракеталари тревога бўйича ҳавога кўтарилди", - дейилади хабарда.
Режага кўра, навбатчи кучлар шартли душманнинг юқори тезликда ҳаракатланувчи нишонларини аниқлаган.
Бундан ташқари, машғулотлар давомида С-300ПС тизимларини ракеталар билан қайта жиҳозлаш, шартли диверсия-разведка гуруҳлари ҳужумларини қайтариш амаллари бажарилган.
Россиянинг Тожикистондаги 201-ҳарбий базаси Душанбе ва Бохтар шаҳарларида жойлашган. Унинг таркибидан мотоўқчи, танк, артиллерия, разведка, ҳаво ҳужумидан мудофаа ва алоқа бўлинмалари ўрин олган.
Мавзуга оид
23:06 / 31.10.2024
Хитой Хайнан ороли ва Жанубий Хитой денгизида 50 млрд долларлик ҳарбий объектларни қурди
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024