Ўзбекистонда рублнинг расмий курси сезиларли даражада пасайди

Долларнинг расмий курси ҳам пастлади.

Марказий банк хорижий валюталарнинг сўмга нисбатан 9 мартдан амал қилувчи курсларини эълон қилди.

Унга кўра, долларнинг расмий курси 13,16 сўмга пастлаб, 10 897,27 сўмни ташкил қилди. Евро 186,67 сўмга пастлаб, 11 831,17 сўм бўлди.

Рубль курси қулашда давом этади, Россия валютаси 19,21 сўмга қадрсизланиб, 1 рубль 79,89 сўмга тенг бўлган.

3 мартдан амал қилувчи курсларга кўра, рублнинг расмий курси 2017 йилдан бери илк марта 100 сўмдан пасайганди.

Шу билан бирга, 7 март куни Ўзбекистонда рубль учун яна имтиёзли коридор белгиланди, ўзбек банклари бугун 1 рублни 95 сўмдан сотиб олишган, айни вақтга келиб рубль курслари яна мақбуллаштирилди (1 рубль 75 - 95 сўм оралиғида айирбошланмоқда).