АҚШнинг Ироқдаги консулхонаси атрофида бир неча ракета портлади (видео)

Ироқ шимолидаги Арбил шаҳрида жойлашган АҚШ бош консулхонаси биноси атрофига бир неча ракета келиб тушди. 

Ироқ миллий ахборот агентлиги маълумотига кўра, шаҳарда камида уч марта портлаш овозлари эшитилган. 

Ҳужум оқибатида консулхона биноси яқинида жойлашган Kurdistan 24 телеканали биноси шикастланган. Шунингдек, маҳаллий аэропорт фаолияти тўхтатилган.

Қурбонлар ва жабрланувчилар ҳақида хабар берилмади.

Тасдиқланмаган маълумотларга кўра, ракеталар Эрон ҳудудидан учиб келган.

AlHadath маълумотига кўра, Арбилга ракеталар учирилиши Сурияда эронлик икки зобит Исроил ҳарбий-ҳаво кучлари томонидан йўқ қилинишига жавобан амалга оширилди.