Эрон ташқи ишлар вазири Москвага боради

Ҳусайн Амир Абдуллоҳиён ядровий келишув борасида музокара ўтказади.

Фото: AP

Эрон ташқи ишлар вазири Ҳусайн Амир Абдуллоҳиён 15 март куни Москвага ташриф буюради, деб хабар берди “Интерфакс”.

Эрон ТИВ Саид Хатибзоданинг сўзларига кўра, у ядровий келишув борасида музокара ўтказади.

“Ядровий келишув бўйича турли даражадаги маслаҳатлашувлар давом этмоқда. Амир Абдуллоҳиён эртага ушбу музокараларни давом эттириш учун Москвага йўл олади”, деди Хатибзода.

Ўтган ҳафтада Россия ташқи ишлар вазири Сергей Лавров Эрон ташқи ишлар вазири Ҳусайн Амир Абдуллоҳиён билан телефон орқали мулоқот қилганди.