Миналанган соҳил, Харьковдаги биродарлик мозори ва метрода жон сақлаётган киевликлар. Уруш суратлари

Уруш бошланганига бир ойдан ошиқ вақт ўтди. Украина томони Суми областидаги Тростянец шаҳрини озод қилгани ҳақида хабар берди, бу шаҳар март ойи бошидан буён россиялик ҳарбийлар қўлида эди. Шу билан бирга РФ ҳарбийлари Славутич шаҳрини — 1986 йилда, авариядан кейин эвакуация қилинган Чернобиль АЭС ходимлари учун қурилган шаҳарни эгаллаган. Владимир Зеленский ҳарбий ҳаракатлар акс этган сурат ва видеоларни эълон қилишни тақиқловчи қонунни имзолади - бундай материаллар душман учун координаталарни аниқлашда хизмат қилиши мумкин. Худди шу вақтда Львов ракета зарбаларига учради. 

Украинадаги вазият бўйича сўнгги маълумотлар:

• Львов ўққа тутилди. Львов шаҳри атрофидаги ҳудудларда россияликларнинг камида тўртта ракетаси портлаган. Беш киши яраланган, нефтбаза ва шаҳар инфратузилмаси объектлари шикастланган; турар жой бинолари жабрланмаган. РФ мудофаа вазирлигининг маълум қилишича, Украина армиясини ёнилғи билан таъминлаган йирик базага зарба берилган.
• Тростянец озод этилди. Украин ҳарбийлари ва партизанлар Суми областидаги Тростянец шаҳрини россиялик ҳарбийлардан қайтариб олди.
• Славутич босиб олинди. Россия қўшини Украинанинг энг ёш шаҳри, Чернобилдаги авариядан кейин, 1986 йилда Киев областида ташкил этилган шаҳарни эгаллашди. Бу ерга ЧАЭС ишчилари ва оила аъзолари кўчирилганди.
• Эвакуация давом этмоқда. 10 та гуманитар йўлакдан, россияликларнинг ҳужумлари давом этгани туфайли, шанба куни атиги 5200 дан ортиқ кишини олиб чиқишга муваффақ бўлди, жумладан қамалдаги Мариуполдан 331 киши эвакуация қилинган.
• Зеленский рус тили билан хайрлашди. У Украинада бу тил билан муаммо бўлмагани, аммо россияликларнинг бомбардимонлари рус тилида сўзлашиш учун истакларни йўқ қилган. Сўровлар украиналиклар у билан ҳамфикр эканини кўрсатган.
• Украина қуролли кучларининг маълум қилишича, Севастополдаги тиббий муассасаларга ҳар куни ўртача 50 нафардан 100 нафаргача яраланган рус аскарлари келтирилмоқда.