Қўшимча функционаллар
-
Тунги кўриниш
Россияда Instagram ўрнини эгаллаши айтилган ижтимоий тармоқ белгиланган вақтда ишга тушмади
Rossgram душанба кунидан таниқли блогерлар, ҳомийлар, инвесторлар ва ОАВ учун ишлай бошлаши, апрел ўрталаридан барча учун ишга тушиши айтилганди.
Россияда 28 март куни Instagram ўрнини эгаллаши айтилган Rossgram ижтимоий тармоғи ишга туширилиши маълум қилинганди, деб ёзди DW.
Қатор ОАВнинг қайд этишича, ижтимоий тармоқ белгиланган вақтда ишга тушмади, фойдаланувчилар тармоқни оча олмаган ва рўйхатдан ўтолмаган.
Rossgram душанба кунидан таниқли блогерлар, ҳомийлар, инвесторлар ва ОАВ учун, апрел ўрталаридан эса барча учун ишга тушиши айтилганди.
Янги ижтимоий тармоқ муаллифи интернет-маркетолог Александр Зобов бўлиб, у ўзини Telegram асосчиси Павел Дуровнинг курсдоши деб атаган.
Ижтимоий тармоқлар ва мессенжерлар профессионал фойдаланувчилари ассоциацияси раҳбари Владимир Зиковнинг айтишича, Павел Дуровнинг Александр Зобов исмли курсдоши бўлмаган.
Россияда АҚШнинг Meta компаниясига тегишли Facebook ва Instagram ижтимоий тармоқлари 14 март куни блокланганди. 21 март куни Москванинг Твер райони суди Meta компаниясини "экстремистик ташкилот" деб топган.
Мавзуга оид
08:40 / 13.05.2025
Халқаро фуқаро авиацияси ташкилоти MH17 ҳалокати учун Россияни жавобгар деб топди
17:02 / 12.05.2025
Россияда хорижликларга тиббий ёрдам кўрсатиш тартиби ўзгаради
14:54 / 12.05.2025
Россия ТИВ: Аввал Истанбулдаги музокаралар, кейин - сулҳ мавзуси
13:00 / 12.05.2025