Апрелда олис ҳудудларда махсус контейнерли 1 700 та тиббиёт пункти ташкил этилади

Қайд этилишича, президент Шавкат Мирзиёев соғлиқни сақлаш соҳаси бўйича қатор вазифаларни белгилаб берди.

Энг аввало, апрель ойида:

• 1 миллион нафар хавф гуруҳига кирувчилар, 700 минг нафар болалар ва 100 минг нафар ҳомиладор аёллар мақсадли скринингдан ўтказилади;
• ҳар бир оилавий поликлиникада кундузги стационарларни ташкил этиш орқали туман ва шаҳар шифохоналарига ётадиган беморларнинг навбати камида 20 фоизга қисқартирилади;
• 26 та оилавий шифокорлик пункти тўлиқ таъмирланди, зарур штатлар, асбоб-ускуна ва дорилар билан таъминланади.

Йил якунига қадар жами 400 та маҳалла учун бундай пунктлар очилиши таъминланади.

Шунингдек, апрель ойида олис ҳудудларда махсус контейнерлардан фойдаланган ҳолда 1 700 та маҳалла тиббиёт пунктини ташкил этиш вазифаси қўйилди.

Бундан аввал поликлиникаларда янги хизмат турларини пулли асосда ташкил қилишга рухсат берилиши хабар қилинганди.