Францияда автомобилчиларга ёнилғи учун чегирма жорий этилди

Франциядаги автомобилларга ёнилғи қуйиш шохобчаларида узун навбатлар пайдо бўлди, деб хабар берди “Евронюс”.

Хабарга кўра, бунга Франция ҳукуматининг ҳар бир литр ёнилғи учун 18 евроцент миқдорида чегирма жорий этиши сабаб бўлди.

Ҳукумат энергия нархлари кўтарилиб кетганидан сўнг автомобил эгаларига шу тарзда ёрдам беришни мақсад қилган. Чегирма 31 июлгача амал қилади.

Францияда бензин нархи ҳали ҳам юқорилигича қолмоқда, аммо эндиликда нарх икки евродан пастга тушган.

Европанинг бошқа мамлакатларида ҳам ёнилғи нархи ошишига қарши чоралар кўрилмоқда. Жумладан, Испанияда ёнилғи қуйиш станцияларига бир литр бензин учун 20 евроцент чегирма берилди.