Москвада 100дан ортиқ мигрантлар иштирокида оммавий муштлашув содир бўлди

Муштлашувда Тожикистон ва Ўзбекистон фуқаролари қатнашгани айтилмоқда.

Фото: Видеодан кадр

Москвадаги «Сердце столици» яшаш комплекси яқинидаги қурилиш майдонида мигрантлар иштирокида оммавий муштлашув содир бўлди. Бу ҳақда «Говорит Москва» радиостанцияси хабар берди.

Хабар қилинишича, муштлашувда 60 нафар Тожикистон ва 70 нафарга яқин Ўзбекистон фуқаролари қатнашган.

ТАССнинг ўз манбасига таяниб ёзишича, полиция бўлимига муштлашувда қатнашган 120 киши олиб келинган.

Радиостанция маълумотига кўра, жанжал 1 апрел куни содир бўлган.