Олмазор туманига 21-марта келишим экан – президент навбатдаги ташрифини Рамазон билан боғлади

Президент Шавкат Мирзиёев бугун Тошкент шаҳридаги қатор объектларга ташриф буюрди.

Фото: Президент матбуот хизмати

Давлат раҳбари Тошкент шаҳридаги 102-сонли заиф эшитувчи болалар учун ихтисослаштирилган мактаб-интернатида ҳам бўлди ва фаоллар билан учрашув ўтказди.

“Жума куни, шундай улуғ кунда Олмазор туманида бутун республика вакиллари иштирокида видеоселектор йиғилиши ўтказяпмиз. Рамазон ойида эслаб ўтиш керак, Муборак Қуръони каримда ҳам “Яхшиликнинг мукофоти фақат яхшиликдир”, деб таъкидланган.

Олмазор тумани вакиллари билишса керак, бу туманга 21-марта келишим экан. Замон шиддат билан ривожланяпти. Таълим, технологиялар ривожланяпти. Бугун сизлар билан бу йил ва келгуси йил якунлари бўйича қандай режаларни амалга оширамиз, давлат нимага эътибор бериши керак, сизлар қандай вазифаларни оласизлар? Мен бу мактабда фарзандларим билан гаплашдим. Биз улар учун яна нималар қила оламиз? Мана шуларни гаплашиб олишимиз керак, сизлардан аниқ таклифлар кутаман.

Шундай улуғ айём кунлари билан сизларни табрикламоқчиман”, – дея давлат раҳбарининг сўзларидан иқтибос келтирмоқда Kun.uz мухбири.