Донбасс учун жанг: Россиянинг «Б» режаси ҳақида нималар дейишмоқда?

Россия 24 феврал куни Украинага кирганда асосий мақсади Украинани «демилитаризация» ва «денацификация» қилиш эканини айтганди, яъни Украинани миллатчилардан тозалаш ва мамлакат ҳарбий имкониятини йўқ қилиш. Аммо иккинчи ойга ўтган уруш йўналиши ва мақсадлари ҳам ўзгариб кетди. Уруш бошланишига сабаб қилиб келтирилган икки мужмал ибора ҳақида бугун ҳатто Россия томони музокараларда гапирмай қўйди.