Қўшимча функционаллар
-
Тунги кўриниш
Тошкентда тадбиркорга 2 млн доллар имтиёзли кредит олиб беришни ваъда қилганлар ушланди
Тошкент шаҳрининг Яшнобод туманида тадбиркорга 2 млн АҚШ доллари имтиёзли кредит олиб беришни ваъда қилган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Бош прокуратура ҳузуридаги департаментнинг Яшнобод туман бўлими томонидан ДХХ ходимлари билан ҳамкорликда тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган.
Унда, фуқаролар М.М. ва С.Н. “Д..-” МЧЖ раҳбари Х.нинг ишончига кириб, унга юқори лавозимда ишловчи танишлари орқали Тошкент шаҳрида фаолият юритувчи тижорат банкидан 2 млн АҚШ доллари миқдорида имтиёзли кредит олиб бериш эвазига, кредит суммасининг 5 фоизини ҳисоблаб, яъни 100 минг АҚШ доллари устама пули сўрашиб, шундан 55 минг АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган.
Маълумотда айтилишича, ҳозирда тергов ҳаракатлари ўтказилмоқда.
Бундан олдин тадбиркорга 1 миллиард сўм имтиёзли кредит олиб беришни ваъда қилган мутахассис ушланганди.
Мавзуга оид
19:26 / 26.05.2025
Андижонда танишлари орқали 100 минг доллар кредит олиб беришни ваъда қилган шахс ушланди
18:22 / 28.04.2025
Fitch агентлиги Тошкентнинг кредит рейтингини қайта тиклади
19:43 / 18.04.2025
Кичик ва ўрта бизнесни ривожлантириш учун Германия тараққиёт банкидан 23,5 млн евро кредит олинади
19:57 / 14.04.2025