Ташқи реклама объектларини жойлаштиришда жамоатчилик назорати кучайтирилади

Ташқи реклама объектларини жойлаштириш билан боғлиқ барча муносабатларни рақамлаштириш орқали инсон омилини қисқартириш ҳамда онлайн аукцион тартибига қатъий риоя этган ҳолда жамоатчилик назоратини кучайтириш режалаштирилмоқда.

Бундан ташқари, мавжуд автобекатлар хатловдан ўтказилиб, улар жойлашган ер участкаларининг ҳуқуқий мақомини аниқлаштириш, шунингдек автобекатларда тадбиркорлик объектларини очиш учун рухсат беришнинг шаффоф электрон механизмларини яратиш ва улардан фойдаланишга аниқ талабларни белгилаш кўзда тутилган.

“Ягона миллий меҳнат тизими” идоралараро дастурий-аппарат комплексини давлат бошқаруви органларининг кадрлар билан ишлаш бўйича автоматлаштирилган тизимлари билан интеграция қилиб бориш ҳам мўлжалланмоқда.

Олий таълим муассасаларига ўқишга кириш учун ижодий имтиҳонларни (жисмоний тарбия, рассомчилик ва ҳ.к.) ҳамда якуний имтиҳонларни топширишда шаффофликни таъминлаш ва коррупциявий хавф-хатарларни бартараф этиш ишлари амалга оширилади.