АҚШ конгресси вакиллар палатаси Украинага 40 млрд долларлик ёрдам кўрсатишни маъқуллади

Таъкидланишича, ёрдам миқдорини ошириш учун 368 конгрессмен овоз берди, 57 нафари қарши чиқди. Қонун лойиҳасига қарши овоз берган барча қонунчилар Республикачилар партияси аъзолари бўлган.

Агар ташаббус Сенат томонидан қўллаб-қувватланса, дастлаб АҚШ президенти Жо Байден таклиф қилган ёрдам пакети 7 миллиард долларга - 33 миллиард доллардан 40 миллиард долларга оширилади. 

АҚШ матбуотига кўра, қонун лойиҳаси Украина қуролли кучлари ва миллий хавфсизлик кучларини ўқитиш, жиҳозлар, қурол-яроғлар, моддий-техник таъминот ва хизматларни ўз ичига олган хавфсизлик учун 6 миллиард доллар, шунингдек, қочқинларни қўллаб-қувватлаш, уй-жой билан таъминлаш ва тил ўрганиш курслари учун 900 миллион доллар ажратишни назарда тутади. 

Қонун лойиҳасида кўзда тутилган маблағнинг тахминан 8,7 миллиард доллари «Украинадаги шошилинч эҳтиёжларни қондириш учун» Иқтисодий қўллаб-қувватлаш жамғармасига йўналтирилади. 

Эндиликда ҳужжат АҚШ Сенати томонидан маъқулланиши керак, шундан сўнг у президент томонидан тасдиқланади. 

Сенатдаги кўпчилик етакчиси Чак Шумернинг айтишича, қонун лойиҳаси вакиллар палатаси томонидан маъқуллангандан сўнг конгресснинг юқори палатаси қонун лойиҳасини қабул қилиш ва Байденга имзолаш учун юбориш учун «тез ҳаракат қилади».