Украина россияликлар колоннаси дарёни кечиб ўтиш чоғида яксон этилганини хабар қилди. Бу ҳақда нималар маълум?

Украина ҳарбийлари Донбассдаги дарёни кечиб ўтиш учун ўрнатилган кўчма кўприк ҳамда Россия армиясининг зирҳли танклари колоннаси йўқ қилингани ҳақида хабар берди. Украина ҳарбийлари жума куни бу ҳолат акс этган кадрларни намойиш қилди. Ҳозирда россиялик ҳарбийларнинг бу ердаги йўқотишлари сони ҳақида аниқ маълумот йўқ.