2022 йилда 536 минг киши қариндошларини йўқлаш мақсадида Ўзбекистонга келди

2022 йилнинг 1-чорагида 536,2 минг киши қариндошларини йўқлаш мақсадида Ўзбекистонга келган. Бу ҳақда Давлат статистика қўмитаси маълумот берди.

Фото: CNN

Қўмита хабарига кўра, 2022 йилнинг 1-чорагида Ўзбекистон Республикасига келган чет эл фуқароларининг сафар мақсадлари орасида қариндошларини йўқлаш биринчи ўринда турибди — 536,2 минг киши.

Бундан ташқари, дам олиш мақсадида 37,2 минг киши, хизмат юзасидан 13,6 минг, даволаниш учун 18,4 минг киши келган.

Шунингдек, тижорат мақсадида 2,9 минг киши Ўзбекистонга ташриф буюрган бўлса, ўқиш мақсадида 1,2 минг киши кириб келган.

Бундан олдин Ўзбекистонда сўнгги 10 йилдаги туғилишлар сони маълум қилинганди.