Киевда уйлар тикланмоқда, Харковда метро одатий режимга қайтмоқда. Уруш суратлари

Украинада урушнинг 86-куни ўтмоқда. Россия Харков атрофидан бутунлай кетган — шаҳар одатий ҳаёт тарзига қайтмоқда: ўтган вақт мобайнида бомбапанагоҳ вазифасини ўтаган метро кейинги ҳафтадан штат режимида ишлай бошлайди. Киев областида аҳоли ўз уйларини тиклашга киришган. Украинада яна икки россиялик ҳарбийни суд қилиш бошланди — улар Харков областини артиллериядан ўққа тутишда айбланмоқда.