Жаҳон | 16:03 / 20.05.2022
9871
1 дақиқада ўқилади

Пекин Байденнинг Осиёга сафари арафасида Жанубий Хитой денгизида ҳарбий машғулотлар бошлади

Хитой денгиз хавфсизлиги бошқармасининг хабарига кўра, машғулотлар душанбага қадар давом этади. Машғулотлар ўтказиладиган ҳудудга ҳарбий бўлмаган кемаларнинг кириши тақиқланган. 

Фото: Xinhua

Хитой ҳарбийлари АҚШ президентининг Япония ва Жанубий Кореяга сафари арафасида Жанубий Хитой денгизида ҳарбий машғулотлар бошлади, деб хабар берди Associated Press

Хитой денгиз хавфсизлиги бошқармасининг хабарига кўра, машғулотлар душанбага қадар давом этади.

Машғулотлар ўтказиладиган ҳудудга ҳарбий бўлмаган кемаларнинг кириши тақиқланди.

Шу билан бирга, "Ляонин" авиаташувчи кемаси май ойи бошидан буён Япон денгизида турибди. Хитой мудофаа вазирлигининг билдиришича, авиаташувчи "оддий жанговар тайёргарлик" билан шуғулланмоқда.

Байден 20-24 май кунлари Жанубий Корея ва Японияга сафар уюштиради.

Дилшод Аскаров
Тайёрлаган Дилшод Аскаров
Kun.uz янгиликларини Google News'да кузатинг
+ Обуна бўлиш

Мавзуга оид