Хитой Ўзбекистонга ижтимоий аҳамиятга молик лойиҳаларни амалга ошириш учун 37,5 миллион доллар ажратди
Ўзбекистон ва Хитой ҳукуматлари ўртасида техник-иқтисодий ҳамкорлик тўғрисида битим имзоланди.
Жорий йил 24 май куни Инвестициялар ва ташқи савдо вазирлигида Ўзбекистон ҳукумати ва Хитой ҳукумати ўртасида техник-иқтисодий ҳамкорлик тўғрисидаги битимни имзолаш маросими бўлиб ўтди.
Инвестициялар ва ташқи савдо вазирлиги хабарига кўра, ҳужжат Ўзбекистон инвестициялар ва ташқи савдо вазири биринчи ўринбосари Азиз Воитов ва Хитойнинг Ўзбекистондаги фавқулодда ва мухтор элчиси Цзян Ян томонидан имзоланди.
Битим Хитой ҳукумати томонидан Ўзбекистонда ижтимоий аҳамиятга молик лойиҳаларни биргаликда амалга ошириш учун 250 млн юан (37,5 млн доллар) миқдорида беғараз ёрдам кўрсатишни назарда тутади.
Қайд этилишича, бугунги кунгача икки мамлакат ўртасидаги техник-иқтисодий ҳамкорлик доирасида соғлиқни сақлаш, таълим, қишлоқ ва сув хўжалиги, маданият, транспорт ва бошқа соҳаларда лойиҳалар амалга оширилган.
Мавзуга оид
10:30 / 09.10.2024
Хитойлик олимлар Марс атмосферасидан энергия ишлаб чиқарадиган батареяни яратди
20:47 / 08.10.2024
Хитой ЕИнинг электромобиллар борасидаги қарорига жавобан Европа алкогол маҳсулотларига янги бож жорий этди
16:40 / 08.10.2024
Хитойда математикани ўзлаштиришга қийналаётган болалар учун махсус клиника очилмоқда
18:30 / 06.10.2024