Жазоир президенти ортиқча газни Италияга жўнатишга ваъда берди

Шунингдек, Абдулмажид Таббун Жазоир "Европанинг бир қисмини электр энергияси билан таъминлаш учун Италия билан денгиз орқали тармоқ яратиш"га тайёрлигини билдирди.

Фото: AFP

Жазоир ортиқча газни Италияга жўнатишни кўзламоқда, деди Жазоир президенти Абдулмажид Таббун.

"Биз ортиқча газни Италиянинг сўровига асосан бу мамлакатга жўнатамиз, у эса бизнинг газни Европага тарқатиши мумкин бўлади", - деди Таббун италиялик ҳамкасби Сержо Маттарелла билан бирга ўтказилган матбуот анжуманида.

У шунингдек, Жазоир "Европанинг бир қисмини электр энергияси билан таъминлаш учун Италия билан денгиз орқали тармоқ яратиш"га тайёрлигини билдирди.

Таббуннинг сўзларига кўра, у италиялик ҳамкасби билан Тунисни инқироздан олиб чиқишда ёрдам беришга келишиб олган.