Байден Зеленский уруш ҳақидаги огоҳлантиришларини «эшитишни истамагани»ни айтди. Киевдагилар Ғарб нимани эшитмаганини эслатди

АҚШ президенти Жо Байден украинлар етакчиси Володимир Зеленский дунёдаги бошқа кўплаб давлат арбоблари каби Вашингтоннинг Россия Украинага босқин қилиши муқаррарлиги тўғрисидаги огоҳлантиришларини жиддий қабул қилмаганини эслатди. Бунга жавобан Украина ҳукумати вакиллари Киев урушга тайёр бўлгани, Ғарб давлатлари эса Россия тажовузининг олдини ололмагани ҳақида айтишди.