АҚШ Украинага "Ҳарпун" ракеталарини етказиб бермоқчи - Bloomberg

Аввалроқ Пентагон раҳбари Ллойд Остин Украинага етказиладиган қурол миқдорини камайтирмасликка чақирганди.

Фото: Getty Images

АҚШ Украинага умумий қиймати 650 миллион доллардан ортиқ қурол-яроғлар етказиб беришни режалаштирмоқда. Бу ҳақда Bloomberg агентлиги ўз манбаларига таяниб хабар берди.

Агентликнинг ёзишича, Украинага автомобилларга ўрнатилган "Ҳарпун" кемаларга қарши ракеталари етказиб берилиши кутилмоқда.

Киевга навбатдаги ҳарбий ёрдам ажратилиши тўғрисида ҳозирча расман эълон қилинмади.

Бир кун аввал Пентагон раҳбари Ллойд Остин Украинага етказиладиган қурол миқдорини камайтирмасликка чақирганди.

Май ойида АҚШ президенти Жо Байден Украинага ленд-лиз бериш тўғрисидаги қонунни имзолаганди. Ушбу ҳужжат Киевга ҳарбий ёрдам беришни осонлаштиради.