Техникумдан олийгоҳга имтиҳонсиз кириш механизми бекор қилинади
2023 йилдан бошлаб техникумларнинг аълочи битирувчилари олийгоҳларга имтиҳонсиз кириши механизми бекор қилинади. Президент Шавкат Мирзиёев шундай топшириқ берди.

Фото: Президент матбуот хизмати
Президент раислигида аҳолини касб-ҳунарга ўқитишни такомиллаштириш чора-тадбирлари юзасидан видеоселектор йиғилиши ўтказилмоқда.
“Умуман, техникумларга бўлган ёндашувларни ўзгартириш керак. Улар олийгоҳга киришнинг осон йўли эмас, мураккаб касб берадиган, меҳнат бозорида рақобат қиладиган тизим бўлиши керак”, деди давлат раҳбари.
Президент матбуот котиби Шерзод Асадовнинг хабар беришича, келгуси йилдан техникумдан олийгоҳга имтиҳонсиз кириш механизми бекор қилиниши белгиланди.
Молия вазирлигига олийгоҳ талабалари учун жорий этилган имтиёзли таълим кредитини янги ўқув йилидан техникум ва коллеж ўқувчилари учун ҳам жорий этиш топширилди.
Коллеж ва техникумларда ўқиш учун давлат грантлари ва эҳтиёжманд оила аъзолари учун субсидиялар кўпайтирилади.
Олий таълим вазирлигига икки ой муддатда 207 та техникум фаолиятини ўрганиб, самарасиз ишлаётган 70 та техникумни тугатишга топшириқ берилди.
Уларнинг 25 таси мономарказлар ташкил этиш учун Бандлик вазирлигига ўтказилади, қолган 45 таси негизида касб-ҳунар мактаблари ташкил этилади.
Мавзуга оид

17:00
«Work and travel» дастурларида иштирок этувчи талабалар учун ссуда ажратилади

18:12 / 22.01.2025
Нукус, Бухоро, Фарғона ва Наманганда техника университети очилади

20:20 / 20.01.2025
Нодавлат ОТМларга норасмий “солиқ” солиш давом этаётгани айтилмоқда. Вазирлик буни рад этди

14:35 / 11.01.2025