Xiaomi компанияси 12S ва 12S Pro смартфонларини намойиш этди

Ҳар икки смартфонга Snapdragon 8 Plus Gen 1 процессори ўрнатилган бўлиб, қурилмалар AnTuTu бенчмаркида бир миллиондан ортиқ балл тўплади.

Фото: Xiaomi

Xiaomi компанияси 12S ва 12S Pro смартфонлари сотувга чиқишини эълон қилди.

Xiaomi модернизация қилинган платформа камроқ энергия сарфлашини таъкидламоқда.

Xiaomi 12S диагонали 6,28 дюймли AMOLED-экранга эга. У 50, 13 ва 5 Мп камералар билан жиҳозланган. Смартфон 8K ўлчамда видеога олиши мумкин. Аккумулятор сиғими 4500 мАс бўлиб, у симли ва симсиз қувватланиш хусусиятига эга.

Xiaomi 12S Pro смартфонига 6,73 дюймли LTPO технологиясида тайёрланган экран ўрнатилган. Унинг асосий камераси 50 Мп бўлиб, яна иккита 50 Мп камерага эга. Аккумулятор сиғими 4600 мАс.

Қурилмалар сотуви дастлаб Хитойда бошланади. Xiaomi 12S 4000 юан (632 доллар), Xiaomi 12S Pro эса 4700 юан (743 доллар) туради.

#смартфон #Xiaomi