Дизайнерлар ўт ўсадиган кийимларни тақдим этишди

2022 йил июнь ойида Париждаги мода ҳафталигида испаниялик дизайнер Жонатан Андерсон Loewe модалар уйининг креатив директори, дизайнер Паула Улгари Эскалона билан биргаликда 2023 йил баҳор-ёзи учун мўлжалланган эркаклар кийими коллекциясини тақдим этди. У «табиийлик ва сунъийлик уйғунлигига» бағишланган.

Турли матолардан тикилган кийимларга мох, ялпиз ва чиа каби ўсимликлар қўшилган. Эскалона устки кийимлар, спортча шим ва пойабзалдаги бу ўсимликларни 20 кун давомида махсус иссиқхоналарда ўстирган. 

Ўсимликлар доимий равишда суғорилиши керак, шу жумладан, кўргазма пайтида ҳам. Шунинг учун кийимларда сувли доғлар қолади. Дизайнерлар фикрига кўра, бу вақт ўтган сайин ҳар қандай предметларнинг табиат билан бирлашишини кўрсатади.

Баъзи кийим моделларига кичик экранлар ўрнатилган бўлиб, кўргазма давомида қушлар, қуёш ботиши ва денгиз ҳаёти тасвирлари намойиш этилган.

Кийим ишлаб чиқариш атроф-муҳитни ифлослантирувчи асосий омиллардан бири ҳисобланади. 2020 йилда тўқимачилик саноатининг CО2 чиқинди миқдори транспорт соҳасиникидан ҳам кўп бўлган. Бундан ташқари, матоларнинг 85 фоизи экологик тоза бўлмаган пахта ва полиэстердан иборат. Пахта кўп сув ва инсектицидларни талаб қилади, полиэстер эса нефтдан тайёрланади.

Бу муаммони экологик тоза хом ашё ёрдамида ҳал қилиш мумкин. Масалан, Лондоннинг Asmuss компанияси канакунжутдан кийим тикишга эришди. Канакунжут озиқ-овқат маҳсулоти эмас, у тез ўсади ва кўп сув талаб қилмайди. У кўплаб синтетик ва табиий матоларга экологик тоза муқобил бўлиши мумкин. 

Яна бир ечим - хомашёни қайта ишлаш. IKEA океандаги пластик чиқиндиларни қайта ишлаш орқали матолар коллекциясини яратди. Adidas ҳам пойабзалнинг устки қисмини яратиш учун океан пластигидан фойдаланмоқда. Uniqlo 2020 йилда қайта ишланган тивитдан курткалар ишлаб чиқарди. Унда аввалги коллекциялардан олинган тивит