Миколайивда бино деворига қадалган ракета, Харкив мудофаасида турган аскарлар. Уруш суратлари

Украинада урушнинг 139-куни ўтди.

Украинадаги уруш. Сўнгги маълумотлар:

12 июл куни Херсон областидаги Нова Каховка шаҳрида (россиялик ҳарбийлар назоратида) украинларнинг тунги ҳужумларидан кейин детонация давом этди — Украина томони ўқ-дори омбори нишонга олинганини айтмоқда, Россия зарбалар селитра сақланадиган омборга келиб тушганини таъкидламоқда. Россия нашрларида ёзилишича, шаҳарда тинч аҳоли вакилларидан беш киши ҳалок бўлган, 80 киши жабрланган. Тунда Миколайивда йигирмага яқин портлашлар эшитилган.
Ижтимоий тармоқларда Луҳанскдаги портлаш ва ёнғин видеолари тарқалди. Тармоқ фойдаланувчилари бу украин кучларининг HIMARS орқали россиялик ҳарбийларнинг ўқ-дори омборларига йўллаган навбатдаги ҳужумлари эканини айтишмоқда, аммо ҳозирча бу расман тасдиқланмаган.
Часив Ярга йўлланган ракета зарбаси қурбонлари сони 47 нафарга етди, 9 киши қутқариб олинган.
Украина Илон ороли озод этилгач, денгиз орқали буғдой ташиш тиклангани муносабати билан ойига 500 минг тонна ғалла экспорт қилишга умид қилмоқда. Аллақачон 16 кема Дунай орқали Қора денгизга ўтган ва украин ғалласи юкланишини кутмоқда.
Украина президенти Володимир Зеленский ҳарбийларга бутун мамлакатни россиялик босқинчилардан озод этиш бўйича вазифа қўйган - бу ҳақда Миллий хавфсизлик ва мудофаа кенгаши котиби Алексей Данилов маълум қилди.
Россия Украинага урушда қурбон бўлган 30 нафар украин аскари жасадини топширди - украин манбалари бу жасадлар алмашинуви ёки бир томонлама жўнатиш бўлгани борасида аниқлик киритмаган.

Қуйида 12 июл куни Украинанинг турли ҳудудларида олинган суратлар.

Донбасс шимоли